يابحر فيني من الحزن ..كثر مافيك
من حزن واوجاع وغياب وغرائب
لا تلومني إذ شفتني دايم اجيك
ولاشفتني دايم على الشط ذايب
حزني كبير..أكبر من حدود شاطيك
وأقسى من جروح الزمان العطايب
وان كان تنشدني فأنا مقدر أخفيك
دايم اظن ويطلع الظن خايب
في هالزمن ..أقرب حبايبك يشقيك
الين تدفع في غلاه الضرايب
من بعد هذا يبتعد عنك ويجفيك
ماكنه بجنبك قضى الوقت طايب
والا الخوي اللي توقعت يفديك
يفديك عمره لاغدت بك نشايب
صد وتصدد مايبي سمع طاريك
وياما انت دونه اتعبتك الطلايب
لا تقول لي بدري وتوك ويمديك
وتعال واسمع باقي الهرج صايب
خلك بحالك واطلب الرب يهديك
ولا تنشد اللي غاب وين انت غايب ؟
وان شفتني غايب عن حدود شاطيك
اعرف تراني تحت ذيك النصايب
واعرف تراني دايم ان ضقت بآجيك
لأني أنا والموج صرنا حبايب
الإثنين 04 يناير 2010, 10:37 pm