تعودني عليك

( ليـه )
إن كنت تقوى البعد في الــــروح مسكنك
وش ذنب خـــــــــــــل إتخلا عنه خليله
وإن جيتني والله بالـــــــروووح لحضنك
وأقـــــــــــــــــول هذا الخل ما فيه حيله




( تعودني عليك )

أنا مدري اذا قلبي رفـــــض يصبر شسوي له
تخيل حالتي بعدك أنا إتحطمت ع الآخــــــــــر
أكلم نفسي فغيابك ألـــــــــوم القلب وأشكي له
وأصبر نفسي بالقوه وأقضي الليل وأنا ساهر






( تشك بحبي )

تشك بحبي لك وأنا اللي حبـــــــي لك بلا مقياس
تشك فيني وأنا اللي حـــــــالف بدنياي ما أخونك
غريبه حالة الدنيا غريبة لعبة الإحســــــــــــــاس
كثر ما تصـــــون لهم عهدك كثر ما هم يخونونك




( الزلزال )

تراه المصطفى ذكر واذا إنك مـــــــــــا سمعته قال
إظفر بس بذات الدين وخــــــــــــــــذها تربت يدينك
حرام تعيش مستانس وهي تبكي دمعها ســـــــــال
تبي تحيا مثل أي بنت وإنته الحـــــــــــــــل بيدينك



( على كيفـــك )

على كيفك وإنته حـــــــــــــــــر حبيبي قلبي متعود
هذاك أول وقلبي كــــــــــــــــان يبكي فرقت أحبابه
اذا بتـــــــــــــــروح تفضل روح بس لا تقعد تمهد
ترى ما في أحد يسوى تهل دمـــــــــوعي بأسبابه




( ولا باريــس )

ولو قالوا تعال وشوف فرنسا وزور نيس وكان
ماليزيا تركيا بيروت وهـــــــــــــــولندا وهاياتي
أقول لا والله لا باريس ولا لنـــــــدن ولا اليونان
أبحيا دنيتي وأمــــــــــــــــوت وأنا أردد إماراتي



( بنفس المكان )

بنفس المكان لكني هالمــــــــــره وحيد
أبكي ألم وأقــــــــــــــــــول ليتك معايه
بنفس المكـــــان وما معي غير القصيد
أكتب عسى في يــــــــــوم تسمع ندايه




( ميلاد القمر )

ليش تسألني وتدري إنه الجــواب عندي أكيد
يعني معقـــــــــوله أنا أنسى يوم ميلاد القمر
حافظ التــــــــاريخ والله مهما كنت عنك بعيد
مستحيل أنساه لــــو ينسى النحل ريح الزهر




تعودني عليك

للشاعر طارق المحياس

تعودني عليك أيام أبد ما أفــــــــــــــارقك ليله

واذا عنك أروح اليــــــوم أقول لك نلتقي باكر

تعودني على لطفك وأسلـــــــــــــوبك وتدليله

وتتــــــــــــــــوقع أنا بحيا بدونك يوم بتسافر

أنا مـــــــــــا ودي أشكي لك ولكن قلت الحيله

أليمه فرقتك والله وأنا ع البعد مب قــــــــــادر

دخيلك أجل المــــــــــــوعد اذا تقدر ع تأجيله

دخيلك حـــــط دمعاتي في عينك قبل ما تسافر

يا شين الـــــــــوقت في بعدك دقيقه كنها ليله

شيصبرني وأنا أحبك ومثلك فــــي البشر نادر

تعلق قلبي بقلبك يسمـــــــــــع منه ويحكي له

تدلل قـــول بس إطلب أقول لك غالي وحاضر

أنا مدري اذا قلبي رفـــــض يصبر شسوي له

تخيل حالتي بعدك أنا إتحطمت ع الآخــــــــــر

أكلم نفسي فغيابك ألـــــــــوم القلب وأشكي له

وأصبر نفسي بالقوه وأقضي الليل وأنا ساهر

تلاقينا فبعض صدفه سولف لي وأنا أحكي له

ومن أول نظرة حبيته وصــــرت لشوفه أبادر

ذبحني السحر فعيــــــونه يا ويله قلبي يا ويله

أنا أفهم لغة العيـــــــون ولكن صرت مب قادر

أنا أتمنى قبل لا يــــــروح يلمس دمعي منديله

أبيه يحس بإحساسي أبيه يقـــــــــول لي تامر

أبي حضنه يدفيني خليل يــــــــــــــودع خليله

وأقـــول بصوت به شهقه..فمان الله يا مسافر

وأرجع م المطار وحـــدي يشلني الهم وأشيله

شيصبرني أنا شهرين وهـــو بس توه مسافر

عزاي إنه أخذ قلبي في وســـــط عيونه يشيله

وأنا أصبحت في بعده وحيد وأ**ر الخـــــاطر

والسموحهـ ع القصور